Sunday, December 31, 2023

পৰ্য্যটন....


অৰণ্যৰ মাজে মাজে ....

    মানস ব্যঘ্র প্রকল্প অসমৰ প্ৰথম ব্যঘ্র প্রকল্প মানস । ইয়াৰ গড় আৰু বন্য আকর্ষন হাতীৰ বাবে বিখ্যাত আৰু ৰাজ্য খনৰ বেছি ভাগ অংশই আগুৰি থকা এই অন্য পাহাৰ আৰু নদী উপত্যকাৰে ভূটানৰ সীমাত অৱস্হিত । মানস অভয়ৰন্য ইয়াৰ বন্য সৌন্দৰ্য্য আৰু বনজ সম্পদৰ বিশেষত্বত যি কোনো বন্য জীৱ প্ৰেমীৰ বাবে এক ৰোমাঞ্চকৰ অভিজ্ঞতা ।মানস অভয়ৰন্য পূৱ হিমালয়ৰ আৰ্দ্ৰ বৰ্ষা অন্যৰে পৰিবেষ্টিত । ইয়াৰ গহীন হাবিয়ে সূৰ্য্যৰ পোহৰকো বাধা দি ৰাখে । পূৱ হিমালয়ৰ সেউজীয়া তৃণভূমিয়ে মানস ৰাষ্ট্ৰীয় উদ্যানৰ বৃহৎ এলেকা আগুৰি আছে । এই তৃণভূমি বিভিন্ন বন্য জন্তুৰ বিচৰন ভূমি ।
১৯২৮ চনত সংৰক্ষিত বনাঞ্চল হিচাপে ঘোষনা কৰা মানস অভয়ৰন্যক ১৯৭৩ চনত ব্যঘ্র প্রকল্প হিচাপে ঘোষনা কৰা হয় । ভাৰতৰ ১৮ খন ব্যঘ্ৰ প্ৰকল্পৰ ভিতৰত মানসৰ স্থান নৱম। এই অভয়ৰন্যৰ মূঠ মাটি কালিৰ পৰিমান ৩৯১ বর্গ কিলোমিটাৰ আৰু ব্যঘ্ৰ প্ৰকল্পৰ মাটিকালিৰ পৰিমান ৫৪০ বর্গ কিলোমিটাৰ । এই সংৰক্ষিত বনাঞ্চল মানস অসমৰ কোকৰাঝাৰ, চিৰাং, বাক্সা, উদালগুৰি আদি জিলা সমুহত বিস্তৃত হৈ
আছে ।
       মানস ৰাষ্ট্ৰীয় উদ্যানত প্রধান অঞ্চল ৩৬০ কিলোমিটাৰ য'ত ২০ টা প্ৰজাতীৰ চৰাই আৰু জীৱ জন্তু আছে তাৰ ভিতৰত ৰঙা পান্ডা, যি অতি দুস্প্রাপ্য, উল্লেখনীয় । প্ৰথমতে মানস এখন অভয়ৰন্য আছিল যদিও ১৯৯০ চনত ইয়াক ৰাষ্ট্ৰীয় উদ্যানৰ মৰ্য্যদা দিয়া হয় ইয়াৰোপৰিও নল গাহৰী সোনালী বান্দৰ আৰু বহু দুস্প্রাপ্য জীৱ-জন্তু যেনে বাঘ, হাতী, গড়, বনৰীয়া মহ, বনৰীয়া ভালুক, ফুটকীহৰিণ, খুটিয়াপহু ইত্যাদি।
অতি সহজেই এই অভয়ৰন্যত দেখিবলৈ পোৱা যায় । শীত কালত মানস অভয়ৰন্যত নানা বিধ পৰিভ্ৰমী চৰাই কৰমোৰেন্ট, নানা বিধ চৰাই , হাইঠা ইত্যাদি দেখিবলৈ পোৱা যায়। মানসত যথেষ্ট সংখ্যক বাভিন্ন প্ৰজাতিৰ পখিলা আৰু সৰিসৃপ পোৱা যায় । মানসৰ মাজেৰে বৈ যোৱা মানস নদীত নৌকা চালনা আৰু মাছ ধৰাৰ সুবিধা আছে । এই নদীৰ ৰং বিৰঙৰ শিল বোৰো পৰ্য্যটকৰ অন্যতম আকর্ষনীয় বস্তু । মানস ৰাষ্ট্ৰীয় উদ্যানত হাতীৰে বন্য জীৱ-জন্তু দৰ্শনৰ সুবিধা আছে । মথনগুৰিৰ পৰা ৰাতিপূৱা পৰ্য্যটক সকলক লৈ হাতীবোৰ তিনি ঘন্টা জোৰা ভ্রমনসূচী লৈ ওলাই যায় ।
     নিৰ্দ্ধাৰিত মাচুল বিনিময়ত বিভিন্ন কেমেৰা ব্যৱহাৰৰ অনুমতিবিভাগীয় কর্তৃপক্ষৰ পৰা পোৱা যায় ।ছাত্ৰ-ছাত্ৰীৰ বাবে নুন্যতম মাচুলৰ ব্যৱস্থাও আছে । মানস অভয়ৰণ্যত ভ্রমন কৰাৰ আটাইত কৈ উপযুক্ত সময় হল অক্টোবৰ মহৰ পৰা এপ্রিল মাহলৈকে । বাকী কেই মাহ এই বনাঞ্চল পৰ্যটকৰ বাবে বন্ধ থাকে । বর্ষা কালত এই বনাঞ্চলৰ বিভিন্ন স্থানত জলমগ্ন হোৱা বাবে জীৱ-জন্তুবোৰ সহজে দেখা নাযায় । মানস ৰাষ্ট্ৰীয় উদ্যানত পৰ্যটক বা ভ্রমনকাৰী সকলৰ থকা মেলাৰ সুবিধাৰ বাবে দুটা কৈ অসম চৰকাৰৰ পৰ্য্যটনবিভাগৰ অধীনত থকা ঘৰ আছে। বনাঞ্চলৰ ওচৰতেই থকা এই ঘৰ দুটি পৰ্য্যটকৰ বাবে যথেষ্ট সা-সুবিধা আছে । এটা ঘৰ বৰপেটা ৰোড চহৰত আৰু আনটো বাহবাৰীত অৱস্থিত । অসম চৰকাৰৰ অধিনত মথনগুৰীত দুটা অন্য পৰ্য্যটন আবাস আছে ।
     এই মানস ৰাষ্ট্ৰীয় উদ্যান খনলৈ মটৰ যোগে যাবলৈ গুৱাহাটীৰ পৰা ১৭৬ কি.মি. যাতায়াত কৰিব লাগে । ৰেলযোগেৰে যাবলৈ হ'লে অন্তিম ৰেলষ্টেচন বৰপেটাৰোড। ইয়াৰ পৰা সৰু মটৰ গাড়ীবা বাছেৰে বাহঁবাৰী, মথনগুৰীলৈ যাব পাৰি । এই বনাঞ্চলত ভ্ৰমন কৰিবলৈ বন বিভাগৰ বিশেষ অনুমতিৰ প্ৰয়োজন থাকে ।
মানস ৰাষ্ট্ৰীয় উদ্যান অসম তথা উত্তৰ পূৰ্বাঞ্চলৰ অন্যতম গুৰুত্ব পূর্ণ অৰন্য ।এই অৰন্যক মথনগুৰি বুলিও জনা যায় ।

                                             মাধুৰ্য দাস

Saturday, November 25, 2023

Welcome

Prerona is blog on online Assamese & English Magazine 
Editor/Admin- Madhurja Das From Howly,Assam.

New Post in 2023

 নীলা শিয়ালৰ সাধুৰ পৰা উঠি অহা

অধ্যক্ষজন
——————

                      অভিজিৎ তালুকদাৰ

বোবা মানুহৰ ভাও জুৰি
তেওঁ চোবাই আছিল মেকুৰীৰ মঙহ
দুয়ো কাষে দুজন কুজা মানুহ
নত শিৰহৈ ৰৈ থাকে

সিমুৰত বহি থকা শিক্ষক জনক
তেওঁ ভেঙুচালি কৰা দেখি
কুজা মানুহ দুজনে চাপৰি বজালে

তেওঁক লৈ আক্ষেপ কৰিছিল
শিক্ষকজনে-
“শিক্ষানুষ্ঠানখন ধন ঘটাৰ আহিলা কৰিলে”

তেওঁ এটা নিলাজ বলধ
যাৰ মেকুৰীৰ মঙহ বৰ প্ৰিয়
মেকুৰীৰ মঙহ চোবাই চোবাই
স্কিমবোৰত সুৰুঙা বিচাৰিছে
ওচৰত থকা কুজা মানুহ দুটাই
মুখ মেলি চাপৰি বজালে

ৰাস্তাটোৰ সিপাৰে ৰৈ থকা
হুদুবোৰে ভাবিছে
অধ্যক্ষ এজন কিমান লোভী হ’লে
ইমান নিলাজ মিছলীয়া
আৰু বিবেকহীন হৈ পৰে
নিজ ছাত্ৰ-ছাত্ৰী আগত
নাঙঠ হ’ব পাৰে

হুদুবোৰে সম্যবাদৰ কথা কয়
সেয়ে সিহঁতে ভাৰাত দি আহিছে
কথা ক’ব পৰা মুখবোৰ
আৰু হৈ পৰিছে বোবা

Monday, November 7, 2011

A Tribute to Dr. Bhupen Hazarika organised by AASU,Howly .